Serchhip Dinthar venga cheng mek Vanlalnghaka(41) chu August ni30 zan dar7 vel khan Tuikum lui-a rulngan ni ngeia hriatin a chuk a, a hnu darkar 6 velah a thi.
Thudawnna tarlan danin Vanlalnghaka hi Thawhtanni tlai khan len den tumin thim hma deuhin a thawkchhuaka.Ruahsur avangin haw turin a inbuatsaih nghal a, a riahna thlam Dawngzawl rama T.Rosiama thlam pana a kal mek laiin, rulngan ni ngeia hriatin a kerek dinglamah a chuk niin sawi ani.
Rulin a chukna hi na a tiin a te nasa hle a,Tuikum kama leilet enkawltu inhlawhfa pakhat chuan a thawm hria in a awmna thlam atanga tlanchhuakin a bawihsawm nghal a, a thlamah kuahlutin tih ngaihna vak a hriat loh avangin thei leh thei lovin Tuikum lui kama an thlam atang chuan Serchhip Dawngzawl ram a T.Rosiama thlam lam an pan dun a, zan Dar 10 velah an thleng ani.
Leilet a inhlawhfa Paliana chuan an thlang lawk Keitum khua ah motor hman tur a zawng nghal a,zanrei tawh lam a nih avangin motor hman tur a hmu zo lo a,a kaithawh chhun pakhat chuan a ha nat chhuanlamin alo tlawmngai thei lo a, hei vang hian Serchhip Pa tam tak an thinrim hle niin thu lakna chuan a sawi a. Paliana hi thlam lamah kir lehin nimin zing dar1 vel khan Vanlalnghaka chu a hliam tuar lovin a chatthla ta niin a sawi.
In lama ruang hawpui tur pawh hian an buai hle a, Motor veivek a awm meuh loh avangin Dawngzawl rama riak ve tho hnamdang Vai te chu kaitho in, vai ho hian an phone number hriat chhun LAD JE Sailova chu zing dar 3 velah an be pawp thei hram a, Sailova hian midang punin Dawngzawl lam hi an pan nghal a, Nimin zing dar7 vel khan Serchhip Hospital an phur thleng hram ani.
Vanlalnghaka hi a thih hnu pawh hian rei tak ala lum niin Paliana chuan a sawi a. Vanlalnghaka chuktu rul hi midangin a tak hmu zui chiah lo mahse, a tur hnathawh dan atangin Rulngan ngei niin Doctor leh mi thil chinchang hre deuh te chuan an sawi a, Vanlalnghaka hian a thih hmain, amah chuktu rul hi a dum tle zuar tih a sawi tiin a dawmhlumtu Paliana hian a sawi. Thenzawl DFO chuan Serchhip District Wildlife Warden, Zonuntluanga hnenah rulngan chukhlum chungchang a hnena report tura a hriattir tawh thu leh, chumi ang chuan zangnadawmna pek an nih theih nan theihtawp a hmalak a nih tur thu a sawiin niin thudawnna chuan a tarlang bawk.
Source : The Zozam Times
Thudawnna tarlan danin Vanlalnghaka hi Thawhtanni tlai khan len den tumin thim hma deuhin a thawkchhuaka.Ruahsur avangin haw turin a inbuatsaih nghal a, a riahna thlam Dawngzawl rama T.Rosiama thlam pana a kal mek laiin, rulngan ni ngeia hriatin a kerek dinglamah a chuk niin sawi ani.
Rulin a chukna hi na a tiin a te nasa hle a,Tuikum kama leilet enkawltu inhlawhfa pakhat chuan a thawm hria in a awmna thlam atanga tlanchhuakin a bawihsawm nghal a, a thlamah kuahlutin tih ngaihna vak a hriat loh avangin thei leh thei lovin Tuikum lui kama an thlam atang chuan Serchhip Dawngzawl ram a T.Rosiama thlam lam an pan dun a, zan Dar 10 velah an thleng ani.
Leilet a inhlawhfa Paliana chuan an thlang lawk Keitum khua ah motor hman tur a zawng nghal a,zanrei tawh lam a nih avangin motor hman tur a hmu zo lo a,a kaithawh chhun pakhat chuan a ha nat chhuanlamin alo tlawmngai thei lo a, hei vang hian Serchhip Pa tam tak an thinrim hle niin thu lakna chuan a sawi a. Paliana hi thlam lamah kir lehin nimin zing dar1 vel khan Vanlalnghaka chu a hliam tuar lovin a chatthla ta niin a sawi.
In lama ruang hawpui tur pawh hian an buai hle a, Motor veivek a awm meuh loh avangin Dawngzawl rama riak ve tho hnamdang Vai te chu kaitho in, vai ho hian an phone number hriat chhun LAD JE Sailova chu zing dar 3 velah an be pawp thei hram a, Sailova hian midang punin Dawngzawl lam hi an pan nghal a, Nimin zing dar7 vel khan Serchhip Hospital an phur thleng hram ani.
Vanlalnghaka hi a thih hnu pawh hian rei tak ala lum niin Paliana chuan a sawi a. Vanlalnghaka chuktu rul hi midangin a tak hmu zui chiah lo mahse, a tur hnathawh dan atangin Rulngan ngei niin Doctor leh mi thil chinchang hre deuh te chuan an sawi a, Vanlalnghaka hian a thih hmain, amah chuktu rul hi a dum tle zuar tih a sawi tiin a dawmhlumtu Paliana hian a sawi. Thenzawl DFO chuan Serchhip District Wildlife Warden, Zonuntluanga hnenah rulngan chukhlum chungchang a hnena report tura a hriattir tawh thu leh, chumi ang chuan zangnadawmna pek an nih theih nan theihtawp a hmalak a nih tur thu a sawiin niin thudawnna chuan a tarlang bawk.
Source : The Zozam Times
