Kristian ten engtin nge Lal piang chibai kan buk dan

Awle, kan thlasik mau puah leh phawng teh ang...Kumtin Kristian ten Isua Piancham kan lawm thin..Amaherawh chu kan lawm dan hi a in ang lo hlawm khawp mai. Kristian theuh theuh in kan Lal Piang chibai kan buk dan ah hian a lawm a ngem?a thenin Zu in nan leh sualna hun a tan kan hmang a,kan chibai buk a hi a lawm kei zawng ka ring hlawl lo!!!

Nu leh Pa tam takin faten thawmhnaw thar neih loh hlau in rilru leh ngaihtuahna an seng a. Ka vei ve em em Pakhat chu Lal Isua Piancham kan lawmna ah hian amah kan hmangaih zia hi kan lan tir ngam lo hi.
Kristian ten engtin nge Lal piang chibai kan buk dan hi inenfiah leh ang u hmiang

X-Mas engtin?

 Kum khat ah thla12 a awm thla zawng zawng ah kan nghahhlelh thla ber chu Thla12 na December kawl a lo her chhuak leh dawn ta!!! Lenrual lung duh zawng ten engtin tak hmang ang che u maw?? Kan naupan lai han ti ve tawh mai ila, Dawhthlak lawm hun lai te kha aw!! avan ngaihawm tak..24zan kan nghahhlelh thin zia kha..zing takah tho in eng nge ka dawhtlak tiin kan thleng kan han en a...Nu leh Pa ten fate lawm zawng an lo dah a. Ruai theh te hi alo nuam thei ngei mai..Thalai ten Christmas a mi tur Thing te kan phurin Hnah te kan lak lai te kha ka mitthla ah a cham reng mai.Urlawk zan ah thiante nen insawm khawm in inkhawm banah Chou kan han kang a....Tui tam tawk an han leih thin lai te kha aw!!!!! tunlai ah thing mahse a hunlai kha chuan a nuam thei ngei mai. Hmanlai an chang zo dawn ta maw!!!

Tu in nge kan ram chhanchhuak ang?

Inthlan a hnai telh telh tun thlengin vote tur ka la hre lo.kan ram riang te hi chhanchhuak turin Party tin ten Manifesto an pho chhuak in, an Manifesto hmangin an inbei a.Party tin te an Manifesto tha viau hlawm mahse hun alo kal ang a, an mahni tang hma bak an hai leh awm silo!!! kan ram hi eng ang takin rum leh ang maw?!! Pathian hian kan ram chhanchhuak turin Pathian neitu diktak hi min pe turin dil ila min pe mai ang.Kan ram hi natna in a tuam zia kan hre vek awm e. Party Leader ten tawngkam tha tak tak an chhakchhuak heng ho zing ah hian eng hi nge rin tur?Tawngka ni ngawt lo in diktak a rorel tur hi kan zawn a ngai khawp mai.
M.N.F Congress UDA te zing ah hian Tu in nge kan ram chhan chhuak ang?

P.B.K Liankhuma: Ram ka nei

A zai a vangin Damna changte an awm a zaithiam bak ah a zai hi a nung hle.

Gospel Melodius Choir: Ni ropui alo thleng dawn ta

Pathian ropui nan

Don't forget to Pray

I said a prayer for you today
And know God must have heard
I felt an answer in my heart
Although He spoke no word!

I didn't ask for wealth or fame
(I knew you wouldn't mind)
I asked Him to send treasures
of a far more lasting kind!
I asked that He'd be near you
At the start of each new day.
to grant you health and blessings
And friends to share your way!

I asked for happiness for you
In all things great and small
but it was for His loving care
I prayed the most of all!

Gospel Melodius Choir: Hunte an kiam zel.

Thangvela Vanchhawng (56) mi niin ka pu duhtak in min boralsan a. ka naupan lai chuan he hla hmang hian min puain min awi mu thin ka ngai thin khawp mai.Ka pu khan min lo la dampui se aw!!! avan nuam dawn tak em!! ka pi lungleng lutuk te hi ka khawngaih thin ka pu thlan ah kan lungleng tawkin ka kalpui te hi ka pu dam se chuan a ngailo tur.Aw thihna i tur hi a van mak tak em!!

Gospel Melodius Choir : Nangma thil ropuite an sawi

Bawihtei

Ka Vahnu kum3 na a hmang mek

Ka mumang

Nilai zan hian mumang ka nei a, ka mumang ah chuan Pathian hma ah hian ka Interview a, engmah hi chhuan tur ka lo neilo a, Ka pi tar tawh tak pawh hian Interview alo hma chhawn ve ani.kan harh hlawl chu ka ngaihtuahna ka kawm melh melh a, Pathian tan hian ka van inhmang lo tak em!!! tiin ka nun ka in haw hle ani.Pa hma ah ka inlan hunah engnge?sawi tur ka neih ve ang kan Pathian hi a van tha tak em!!!.

"Lord Jesus, I believe you are the Son of God. Thank you for dying on the cross for my sins. Please forgive my sins and give me the gift of eternal life. I ask you in to my life and heart to be my Lord and Savior. I want to serve you always."

Nang chuah

Zankhua alo tlai leh ang a, engtin tuar ang i maw Lunglen hi Kar hla ka "D" Valmawia hian ka suihlung len zia hi hria se zawng mual za tam kar dan ah min awm san lo tur.Lenrual te an chhai lai D run ah an kai kei zawng ka "D" mualza tam kar dan ami ngaiin lunglen zai tin ka vawr.

Weekend te hian lung a van leng zual duh tak em!!! Suihlung len hi suihlung len hi ka hringnun hian a zo i rauthla tal rawn tir ta che. Chhawrthla pui pawn Siamtu siam ah lungawi em em in lunglen ti zual turin Thangvan sang atangin a En mawi na nen kan inhmangaihna ti zualtu leh ka D ngaih hria leh min hrethiam ni awm fahran in a rawn eng leh ta!!! Engtin tuar zel ang i maw lunglen hi.

Mualza pui kar dan ah lengdun mah ila ka hmangaihna che nghilh bik suh!! Turnipui pawh vanzawl kaiin, ka chan tur dawn lo hian, thlang lenkawlah her liam zel mahse, I zun ngai a tlaini len hian, kian zai a rel si lo, Chantawk khuarelah lungawi a har thin e.

I'll be waiting for you
Here inside my heart
I'm the one who wants to love you more
You will see I can give you
Everything you need
Let me be the one to love you more

Mizoram I dinthar leh ang u!!!

Mahni tawk te hian kan ram hi ka vei ve khawp mai.Vei a ngai ani lawmni!!! kan ram hi a damlo sawi lo pawh hian kan ram hian hliam a tuar ani. Hausa te an hausa tual tual Rethei te kan rethei tual tual. Tun ang zel anih phei chuan kan ram leh hnam hi nakin ah phei chuan eng harsatna tak tawk zel ang maw!!!.

Kohhran ah nise Biak In ah chuah kohhran a rawngbawltu ten Pathian an bia emaw tih hial tur khawp in an awm a.an hnathawhna hmun ah Isua an hlat leh si.Pathian hremna hi kan pumpelh dawn silo.Kan ram tan hian tih theih mimal tin hian kan nei a sin. chu chu hei hi ani Dikna leh Rinawmna kan neih phawt chuan kan ram hi kan chhanchhuak leh thei.Pathian hmangaihna kan sawi vul chuk Pathian hian min hmangaih amaerawh chu min hmangaih ang hian kan chhanlet a ngai a sin.Dikna leh Rinawmna kan hlahthlam tlat si chuan Pathian hian Malsawmna leh Anchhia kan hma ah min dah Anchhia hi kan dawng ang tih avan hlauhawm tak em!!

Mizoram tan hian Rinawmna leh Dikna in Lalpa ram i Dinthar leh ang U.

Mipui in nge mawhphur Ram roreltu in?

Kan ram vei in ti tu zawng zawng te hian kan ram tlak chhiat zia kan hre theuh. Amaherawh chu kan ram kan vei in ti reng si hian sawrkar ah mimal ham thatna kan um zel bawk si.Mipui pawh hi kan diklo ani a chhan chu kan duh ang sawrkar ah kan hmuh loh hian vui vai na kan nei leh zel bawk si!! sawrkar pawh na tak tak in demna kan au chhuah pui a, sawrkar ah kan duh ang kan hmuh chuan demna kan au chhuahpui lem lo Mipui pawh hian rinawmna kan nei lo khawp mai.Chutih rual in kan sawrkar lam pawh hian mipui hnenah intiam kamna an lo nei ve leh zel a. Mipui in an intiamna kan hrereng mahse an thutiam ah an ding leh si lo hian Mipui min ti chiai in min bum zia kan hre reng thin ani.

Awle, kan ram in inthlanpui kan hma chhawn dawn. Party ten Manifesto an rawn chhawp chhuak tan ta. Mahse hei hi kan sawi ve teh ang. Mizoram Christian ram hian Krista neitu dik tak kan thlan chhuah a ngai.Chuti lo zawngin kan ram hi Politics zawng in Dinthar kan tum amaherawh chu kan dinthar thei tawh lo anih ber hi maw?!!! Christian ram ngei ah hian Dikna Rinawmna ten hmun a chang tawh lo Mizoram vei zawng zawng Hmundang a awm te pawhin Pathian hnenah in lo hlan zel ang a. Kan ram tluchhe tawh tungding tur hian Pathian thlanchhuah ngei mipui in kan vote theihna turin kan thlan chhuah theihna turin. Krista Pasaltha ten kan ram hi an hruai that a ngai tawh.

"KAN RAM KRISTA TAN KAN PE" ngei dawn lawmni?

Thlarau Thianghlim min ngaidam rawh!!

Piangthar emaw piangthar lo emaw poh hian hun hnuhnung anih hi Christian te chuan kan hre theuh awm e.kei pawh mahni inti felna ram ah engnge an nih bik tih buaiin ka buai a.

Pathian hmangaihna leh khawngaihna chuan kei misual hi hun hnuhnung ruahtui hnuhnung ah min hruai chhuak leh tak avangin Lalpa chu fakin awm rawhse.

Thlarau Thianghlim nangin min hruai thin a, mahse vawi tam tak ka lo phatsan che ka nawmna um in ka zawng ngailo che. tun thlengin nangin min hruai thin a, ka sual ka hriatreng te min hmuh tir la thinlung na in Lalpa ka lo kir e!!! Meialh leh chhum ding a min hruaitu chu bo tawh lo in Lalpa ka zui nang che. Chapo leh uang thuang te i lawm silo, induhtawk leh inngai hlu zawng zawng te i pawl thei silo va thlarau thianghlim kan ti vui fo thin che min ngaidam rawh.

He khawvel hi kan la thlahlel a, Pathian tello hian engtin nge kan thlakhlel sual setana hian min lo va bum nasa tak em!!

Sify Broadband

Uiiiiiiiiiiiiiiiiiiiiiiiiiiiiiiiiiiiiiiiiiiii Sify Broadband kan run thei tep ka lo kham bek tep

Tawngtai pui tur a ngenna

In van ngaihawm dawn tak...tun hnai atang khan khan ka natna neih thin Pumpui Ulcer natna in min lo tlakbuak leh a. hun engemaw ti chhung chu inenkawl ka ngai dawn a. Ka ban vei lam tha zawng zawng bakah ka hnungzang leh ka vei lam tha a na vek ani. In tawngtaina ah min lo hrereng dawn nia.

Aw khawiah nge aw khawi lam nge ka thlarau tana himna chu min tanpuitu thian rinawm khawi ah nge ka Lalpa hnenah chuah a awm

Pathian thil rel dan hi a va mak em!!! hriat phak rual loh ani. atum zau zia thil engkim a rel. Amah chu ring la aman a ti vek ang.

Harsatna hrang hrang kan tawh dawn a in ang lo vek. mahni tawkah harsatna kan tawk vek a chang phei chuan nunbeidawnna sual in min bual a, mahni inthah duhna hial te kan tawkin Pathian pawh kan dem thin. kan harsatna tawh ang tawk thin te nen chuan kan inhrethiam zel. harsatna kan tawh pawh hi Pathian remruatna alo ni ngei a lawm harsatna tawh kha midang tan tanpui nan hmang thei ila, midang tan malsawmna ni na ani mai.

Tunlai chu keima tawk ah harsatna rilru natna te ka tawk ve nual mai, helei ah chawlhna hahdamna a awm loh zia leh kan damchhung reilo te ah khawvel nawmna kan um a. rei a daih ngailo Isua hi a lo kal mek a, Intlansiakna tha hi chhel takin kan vuan hram hram a ngai hle ani. tihfel loh chu tihfel lohin an awm reng dawn.

Kan zinkawng khawhar tak ah hian harsatna tawk thin mah ila, Lalpa nen chuan vanram a chang thin tih ang khan nunhlimna tak tak khawvel thil ah hian a awm lo, daikil kar a awm pawh ni ila Isua nen chuan engkim a nuam vek ani.

Kan ram chan tur chu helei ram hi ani lo, Ni tla ngailo ram nuam ah chuan lungduh kal ta te an hlim ngei e. fak zai tin an vawr siau e nunna eng ah a par reng e kan ram chan tur chu, helei ah hrehawmna in min hual mahse nakin ah Lalpa'n a hmangaihte ram ah min la hruai ngei ang. thlen a van nghahhlelh awm tak em!!!.

Lal Isua kan thiantha ber in kan mangan laiin min lawm. Aw khawi ah nge aw khawi lam ah nge ka thlarau tan a, hlimna chu min tanpuitu thian rinawm khawi ah nge?Ka Lalpa hnenah chuah a awm.

Mi chapo chu chaltlai takin a tawngchhuak thin.

Mihring hian kan hma lam hun kan hriat loh chu kan hre theuh awm e. kan tawngkam hman duh atang hian kan mizia a tilang chiang hle in ka hria.

Mihring chuan chapo na kan nei theuh amaherawh chu i tawngkam hman khan mi rilru i tina em?mihring rilru in tihnat sak hi thil pawi tak ani. hmeichhia phei chu kan thinrim hian hnu leh tur dawn lo hian kan tawng vak vak thin a, mahse a ngaithla tu tan rilru natna a thlen thin ani.

Kum hlun lo tur kan khawvel kan khualzinna ram ah hian engmah chapo pui tur kan neilo Nu leh Pa thawhchhuah sa leh engemaw thawhchhuah neih avangin mi tam tak chapo takin an tawngchhuak thin.

Ka hmangaih em?

Nula/Tlangval tan chuan ngaihzawng neih loh te hi a har khawp mai a hunlai chuan kan hmangaih in kan induhtawn hle thin. Inneih hial te pawh kan duh thin.

Hmangaihna ngaihzawng ah hian keima mimal ngaihdan ah chuan a awm tak tak lo in ka hria. ka hmangaih anih chuan engvangin nge kan then/kalsan leh maitheih zel kan hmangaih tak tak lo ani lo maw? ka blog visit tu te inngaihdan ka hre chak khawp mai.

I Nu leh Pa mawl i ti ngai em?

Nu tan phei chuan min pai lai tang rengin pian kim in kan piang dawn nge?tih ngaihtuah ringawt in an ngaihtuahna an seng tawh. kan han piang a, eitur kan neih loh hlau in Ni sen sa hnuaiah hna an thawk a. keimahni avangin Mimawl nih te an hlawh thin. Thalai tan phei chuan kan theih hun chhung zawngin nu leh pa hi duat tak leh hmangaih taka enkawl kan mawhphurhna ani.

I Nu emaw I Pa emaw i van mawl tak i ti ngai em? nangmah avangin mimawl nih a hlawh zak ngailo a sin!!! Nu hmangaihna hi a bik takin ana a sin an ei ai hmangaihna avangin min pe phal? Nu leh Pa hi mimawl/Mi a ti thin kan awm chuan ti tawh lo hram ila. Keimahni avang a an tawrhna te hi i hriatsak in i chawimawi ang u.

Elizabeth Zodinpuii aiin ka pi a zaithiam zawk?

Hahahahaha Elizabeth Zodinpuii rawn lar tirh a, Valmawi a sak khan tuk khat chu Ka pi nen TV kan en a, Valmawi a rawn sa a Khi nu lah khi in la zei lutuk mai kan Vanglai te chuan ka zaithiam lutuk ani aiin ka zaithiam han ti a.hahaha a insawi thei ve lutuk Ka Pi hi a tar ve tawh khawp mai, tum khat pawh vawk chaw a chhum a, a puan bih lai hi alo chhum tel niin kan han zawng tak tak mai a hahaha alo chhum tel reng niin.

English hi a inla thiam tawp a, Khua a var a tawh tih a sawi ve chu hahaha Village White a ti mawle!! chu lo pawh Bawnghnute a sawina hi Cow mild a ti hmak a tar ve tawh bawk a, naupang chhia ang hi ani tawh. Ka pi Birthday vawiin anih avangin Elizabeth Zodinpuii aia zaithiam a in tihna ka rawn post ani. Eli hian hria se a nuih a za ve ngawt ang. Ka pi vanglai hian zaithiam tiin tuman an hre ngailo.

Ka hming hnaisailo Pa hma ah Isuan a tan ang a.

Nizan ka mumang chu a mak khawp mai mumang mahnise kan sawi leh phawng mai teh ang. Ka lo thi a, Vanram ka lo kai hauh lo mai ka lo mangang khawp mai.

Zing ah ka tho chu Isua hnenah ka him ang, a ang chhung nuam ah chuan ka thlarau a chawl ngei ang a nin min kuang kuah ang tih hla ka sa ka sa a, chawei kham ve leh ka lu ka su a, ka lu suk lai chuan Dawngtea Cell care a thawk hian min lo phone a, ka nu in a lu a su rih nakin ah lo phone leh mai rawh a tih chuan a pawimawh lutuk hi a rawn tia, ka lu ah sahbawn hnawih chung chuan ka bia a, ti hian a rawn sawi a, Nizan ah indawr atangin kan dawr rawk an tum leh a, kan man a nizan ah ka rawn phone tlang theilo che a, dawr i kal hunah Police ten dawr lo la hawng suhse an ti che a rawn ti a, hmanhmawh takin ka insiam sawk sawk a, Dawr ka thlen chuan Thana kal a ngaihthu min lo hrilh leh a, ka han thlen chuan an mi man chu min hmuh a, Kum 17 mi lek ani a, anu leh pa inthen avangin Ani hnenah awm ani a, ka hmuh chuan ka lainat khawp mai.

March thla tir lam a, Cell care an rawk tum khan Lock-up hial ka thlen phah ve a,Lock-up ka vawi1 hmuhna ah ka tang nghal. kan dawr atangin Cell Care ah an lut chu a nih hmel thu zawhfiah a tan min la, ka la hrethiam mahse lock-up hial ka luh phah kha ka rilru ana ve khawp mai, mahse ka tana Pathian in tha tur ah ro a rel ah ka ngai ve thei tawh.Lock-up a min dahna a tangin Constable hian Case IO room ah kal a ngaihthu min hrilh a, Case IO nen chuan kan inkawm ta melh melh a, tunge? i thurualpui min tia nangmah kan ti zet chu a nuih a za ve khawp mai. kan tihna chhan pawh ka tihloh pui vanga ka dikna ah ngei Lock-up ka tang hial kha ka rilru natzia sawi nan ka hmang ve ah ka inngai, Case IO ngeiin ka rilru natzia chu a hria. Ka thian thenkhat chuan case file let rawh in tih mualpho man tihten thurawn min pe, keimah ngei pawhin file let hial pawh ka chak.Mahse ka tana tha tur zawkin ro min relsak vuina tur reng hi a lo awm lo e.

Lock-up Darkar 5 vel ka thiltih loh leh nghal a, ka tang kha tunah ka hlawkpui zia ka in hria, ka tan chhung reilo te ah ka rilru a awm chu hei hi ani Lal Isua khan Kross ah keimahni avangin Thisen chhuah hial in thiamthu a thiamna ah pawh a sawi ve lo a, kei ka dikna ah ka thiamthu ka sawi a, Isua khan a thiamthu sawi se kei hi engtin nge ka awm ang?Hremhmun a kal mai tur min hmangaihna avangin keimahni avang a a thiltawrh kan ngaihtuah a, Pathian hian eng pawh kan tawh a phal a, amah kan hnaih phah nan te, hmanrua dang dang hmangin amah kan hnaih theihnan a hmang thin ani. amah hnaih phah nan a kan hman loh chuan chatuan a kan chan tur chu Hremhmun mai ani. Tun ah hian Mautam aia hlauhawm zawk chu Pathian lam a tam hi a hlauhawm zawk.

Kan sualna zawng zawngte min ngaidamtheitu chu Isua chuah ani.mahni mihring pui ten kan sualna te hrereng in min ngaidam theilo mahse "Ka hming hnaisailo Isuan Pa hmaah a tan ang a,aman min ti mualpho lo ang ka beisei thlawn lo ang"

Love Letter inthawn tirh kha

Love letter inthawn uar lai khan tum khat chu kan veng ami hian min lo thawn a, kei pawhin ka chhanglet ve ngei anih chu..lehkha a rawn ken tir pa hnenah chuan ka chhanna lehkha kan thawn let ve ngei a, hahahaha vawi engemaw zat kan inthawn hnuah chuan inhmuh a duhthu a rawn sawi a,inhmuh ka duhloh thu leh kan inhmuh dawn anih ai chuan inthen ka duhthu in ka chhanglet a, a letter ka dawn a piangin bathroom ah leh Darthlalang hma ah ka chhiar thin a, chhungte hriat hlau bawk si. Tum khat chu ka cusion te inah chaw ka ei a,ka haw lam hi a thianpa nen chuan kalkawng ah kan intawk a, a thianpa chuan ka love letter chhass chu a phone a uiha uiha kan inhmu chu ka zak lutuk hi ka hmai a sen vek...a thianpa chuan chance min pe ve ngei. inbiak phak si hian ding chung chuan chance kan nei ta nih chuh!! kan ngawi dun char char hnu chuan Ti ila a rawn tia kei chuan engmaw ka tia Ti ila a rawn ti leh a, chuan thil awmzia ka hriat chuan i van hur em em tih leh tlanchhiat ka rual a, kut hmawr pawh inkhawih loh chuan kan inthen ta nih chu hahaha.

Nuihzatthlak deuh pakhat chu pakhat hian love letter bawk min lo thawn leh a,kan mawl mai mai zia chu min thawntu pa hnenah chuan tinge hetiang min lo thawn a, eng kawngkhar maw in hawng tur a min duh tih hian tawngka in ka zawt anih chuh!!!

Hnam hmelma chu nang ngei hi ilo ni?

Hnam hmelma chu nang ngei hi ilo han tih tawp mai chu Mizoram ka hmangaih ti tu tan chuan laknat a awl duh ngawt ang le. hei hi ngaihtuah ho a tan kan thehchhuak teh ang.

1. Office hnathawk i nih chuan office tan hun ah office i thleng em?office ban hma in i ho thin em?

2. Mahni thawh loh hlawh la in phai ah i fate school i kal tir em?

3.I hlawh leh inchhungkaw dinhmun a in mil em?

4.I faten i hlawh zat an hriatpui che em?



Sawi tur a tam mai sawi vek sen ani lo. amaherawh chu khing ka tarlan ho ah khian i lo tel palh anih chuan Hnam Hmelma ngei i ni dawn Mizoram i hmangaih takzet anih chuan sim a tha viau ang.

Hmangaihna Vanduai

Tuium nen Partei chu tui chawi tur chuan hmanhmawh takin Tuikhur lam ah chuan a liam thla leh ta, Lo sul haw hma ngei a anaute chaw ei tir a, a nu leh pa In lo thlen hunah pawh hahdam tak a, an chawlh theihnan a theih ang tawkin a tihtur a ti thin ani.

Hnuhhram thlo a hun leh ta, Partei pawh lawm te zawngin a buai thei char char hle mai. Anu hrisel loh avang hian Partei chu upa ber anih avangin mipa thawh tur pawh thliar hrang lo in a thawk hmiah hmiah zel ani.Hnuhhram an thlawh zawh hnu chuan inchhung lam ngaihtuah reng a ngaih avangin Bualpui(NG) atang chuan Aizawl ah chiseh phurin a inhlawh ve tang tang a, a taksa pawhin a hnathawh nasat avang chuan a tawrh phah ani.

Favang awl lenlai ani Partei chuan chiseh phurh nan hun a hmang leh nasa zual a, an khaw tlangval fel tak mai amaherawh chu apa in a boralsan tawh Kima nen chuan chiseh an phur dun thin a, thahnem an ngai dun thin in an inkawm ngeih em em ani. Kima hian Partei hi a tleirawl tirh phat atang rengin a mi ngainat zawng anih mai bakah Nupui atan pawh alo it thin ani a, mahse ani Pa nei tawh lo hmeithai fa tan chuan beisei chi ah a ngailo ani. Amaherawh chu beisei ngamlo mahse a mi duhzawng tak nen chiseh an phur dun chu nuam a tiin a hlim thei hle ani. Partei pawhin Kima chu fel a ti in an khawtlang val ah chuan a kawm ngeih leh a mi ngainat zawng tak alo ni bawk nen.

Tlai khat chu Partei nu leh pa feh chu kawtchhuah lungphun ah tlai dang ang bawk in a naute nen chuan an lo hmuak leh, mi nu leh pa chu an lo haw Partei nu leh pa erawh unau hmelhai tih ah pawh an lo la haw silo, Partei te unau zing a naupang ber lah nu ngaiin alo tap alo tap bawk nen Dar8 vel a rik pawhin an lo la haw silo kawtchhuah ah chuan an unau chuan "Ka nu Ka pa lo haw thuai thuai ang che tlang ah ruahpui a sur e sakhi lam peng rawn zawh la rawn zangphar der der ang che Chhingmiti a tap e Rolenga a tap e ka mumang chu nise la tlang ah ka zuk au ta ral ral tur a" tiin hla an unau chuan anu leh pa koh haw nan chuan an han sa a, Partei chu a ruk takin a mangang tawh ani. Zan dar9 a rik pawh in an lo la haw theilo Partei mangang chuan apu te a zuk hrilh a, unau in pun khawmin Partei te lo lam pan chuan Partei nu leh pa zawng chuan an thawk chhuak ta!!!!... Thlam ah chuan Partei nu thichhawngin alo let der mai. Partei nu leh pa zawng ho chuan thil awmzia chu an man thiam nghal mai, Partei nu hi lo an nupa a, an laiin Savawm hliam tuarin Partei nu chu a seh a, apa in chhan an tum chu Savawm chu a tlanchhe hman ani. Partei te unau in lam nghakhlel tak a lo thlir chuan NU an nei ta lo!!!!! Partei nu ruang chu in lam pan in an haw pui ta a faten engtin nge an lo tih ang...engtin ngai ang maw??a hma lawkin a nu leh pa koh haw na hla an unau in an sa dial dial anu an koh haw na hla chu helei ah in hmu tawh lo tur leh a taksa lumna reng nei tawh lo leh a mah thlahlel em em tu a faten nu hmangaihna an la kham loh zia hre lo ang maiin haw ta si!!! Partei chuan "Ka nu i fate kalsan tlak kan la awm lo a sin ka nu lo kir leh hram teh rihsang mual liam kan la tiam lo e" tiin a tap hawm hawm Anu chhan letna a hmu silo .


Kum hnih hnuah chuan Partei pa chuan nupui dang neih tha zawk a, an hriat avang chuan Nuthlawi a nei ta, a tir chuan Partei te unau chu a duat hle a, amaherawh chu rin a ang lo hle mai Partei Pa nen fahran an han neih meuh chuan an unau chu a tiduhdah in puar khawp pawhin chaw ei phalloh chang te a ngah ta mai ani. Partei te unau chuan a nu thlan ah te kal in an unau chuan inkuah in an tap in pangpar te an phun a, nu ngai rual an la ni bawk si.

Hunte ni te a liam zel Partei leh Kima te pawh hmangaihna kawng an zawh dun chho ve zel Inneih hial pawh an duh mahse Partei nuhrawn hian Kima hi a duh hauh silo a, Kima chuan Partei hnenah Parte Lunglei ah ka pate-a te an awm a, engpawh nise ka va inhlawh ang a,sum ka inkhawl ngah hunah kan innei mai dawn nia a tih thu a sawi a. Partei pawhin ngaiin thlahlel hle mahse Nakin ah an pahnih atan a tha zawk tur ni a, a hriat avang chuan a rem ti ve thei ta a.

Kima pawhin Lunglei ah a remchang ang ang ah inhlawhin lungleng hle mahse a hmangaih ber nen a, nakin ah an la nawm theih zawkna tur anih tih a hriat lungleng hle mahse a theihtawp in hna awm ang ang chu a thawk char char a. Apate-a chuan Sipai ah lut turin theihtawp alo chhuah sak a, sipai ah hna chu a hmuh sak ta a. Sipai ah a luh fel hma ngeiin Partei hmuh leh ngei a duh avangin Bualpui ah chuan a chho leh ta a. zankhat chiah riak tur anih avang chuan Partei hmuh loh a hlau hle mai, in a thlen chuan Partei rim turin a chhuak nghal. Sipai ah luh chu Partei chuan rem a ti lo in a thih a hlauh thute a hrilh a, mahse Kima ve thung chuan tha a tih zawk thu leh kal ngei a tum chu a sawi ve thung. Zing ah kal chhuak leh mai tur anih avangin Kima leh Partei chu inthlahlel ngawih ngawih in an in kalsan a tul ta si..Kima chuan Training zawh ve leh inneih pui ah a sawm nghal in thu an intiam a.

Kima pawh training te zawmin a hah thei hle mai, Lungleng bawk hah bawk si. Partei khuaah chuan Zirtirtu lo awm thar Puia a awm a, chu chuan Partei chu hmeltha a ti in Nupui a neih a duh in a rim tlut tlut a, Partei Nuhrawn leh Apa chu a be tha thei in a tlawn thei hle ani. Partei rilru ve thung ah chuan Kima bak a awm lo ani. Kima leh Partei chu chanchin an in hre tawn khat hle a. Ni te a liam zel Puia chuan Partei Nu leh Pa bulah Partei Nupui a tan a duh thu leh neih tir turin a dil reng bawk si, Kima chanchin lah Partei chuan a hre bawk silo. Tum khat chu thuthang a lo awm Mizo Sipai training lai mek kahhlum anih thu leh phum nghal anih thu a thang chiam mai. Partei chuan a hmangaihber Kima anih ring in a tap a tap a.

Thawhleh zing chuan Partei te chhungkua chuan Puia hnen a tangin Palai hmel an hmu ta. Partei Puia'n Nupui a tan a duh thu Palai te chuan Partei Nu leh Pa bulah chuan an thlen a. Palai haw hnu chuan Partei hnenah a nuhrawn chuan Puia hi i nei ngei ngei tur ani Inneih loh chuan he inchhung atang hian i chhuak ang a tih khum hmak a, Partei chu a ngawi reng a hmangaih Kima a ngai vawng vawng tlai ah a Nu thlan ah kal in Ka nu la dam la chuan i fanu tanpui ngai hi min tanpui tur tiin a nu thlan ah chuan a tap a tap a, Ningani zing ah chuan Palai te chu Partei te inah chuan an leng leh ta...!!! huiham Partei leh Puia chu Innei turin an ti tlu ta!!!! Kima'n hria se engtin ngai ang maw?? a hmangaihber a chan phah dawn tih in hre lawk se zawng Sipai ah a lut lo tur. Puia leh Partei te Inneih ni a tan March Ni15 an ruat fel ta.

March ni 14 ani, Kima pawh a training te a zo fel ta bawk a, a hmangaih ber hruai turin Ni 14 chuan Bualpui chu a thleng ta, Unau hmelhai ah an khua chu a thleng a, In a thlen chuan Partei pasal neih tur thu an hria chuh!!! a thinlung ana kher mai. A farnu hnenah Partei chu a pasal neih hma ngeiin hmuh a duhthu a va hrilh tir a, Partei lah a tuk mai a, pasal nei tur anih avangin a buai char char hle mai.Kima farnu in Kima lo haw thu leh hmuh a duhthu an hrilh chuan hmanhmawh takin Kima te inah chuan an phei dun a. Kima leh Partei in hmu leh chu sawi tur pawh an hre lo dun hle..rei fe an ngawih hnuah chuan Pasal chu nei ngei turin Kima chuan Partei hnenah chuan a ti ta. Partei mittui a luang chhuak nasa hle, Partei leh Kima chu in pawh takin an ti ti chho a, Partei chuan ti hian a ngen thung ta Inneihna ah tel ve ngei turin a tiam tir a, hreh hle mahse a hmangaih ber ngenna hnuhnung chu tihhlawhtlin ngei chu a tiam ve thei ta. zante a rei ve ta Partei pawh an in lam panin a haw ta an rilru ana dun hle mai.

Kima hmangaih ber chuan Nuthai chang turin Kima a liamsan a tul ta si. Nuthai chang tur chuan a phal mawlh lo.

Aw ka thian khawnge i awm le?

Ka naupan lai ka thiante ka van ngai thar tak em!!! ka naupan lai chuan naupang harh tak thin ka ni a, infiamna lam hi nuam ka ti thei em em ani. Sports ni khua ah pawh School aiawh in infiamna ah ka tel ve thin ani. State aiawh ten mahni phak ang tawk in ka tel ve thin a, chet chhiat lah ka ngah Tum khat chu Boxing ah ka tel ve tawp a.. engmah thiam si lo in ka hnar min hnek thi sak chiang a sin aw. Coach in rawmawl a rawn vawm lut tawp mai kha chuh zahthlak ve tak ani.. tum khat leh pawh kan zin haw hi Wrestling ah hmeichhia kal tur an awm loh avangin ka kal ve leh thuai a....kan che chhe leh pek khawp a, ka inkhelh pui nu kha alo thiam ngei mai Tha ah chuan ka hneh kan bawhbet ve ngei a, hmeichhia leh hmeichhia han inbawhbet kha ka nuih a za lutuk kha ka nui chhuak a,ana ang tih mawlh mai kha ka hlau a, Refree in min zilh zui leh nghal chutah le ka khelhpui nu in a thiamna hmangin min bawhbet in Round3 inkhelh tur ah Round1 chiah ka bawhbet ve anih chu..

Volleyball khel a kan zin leh tum hian Hindi thiam lo kan lo tam ngei mai..kan thiannu hian Translation bu hi alo keng a..kan bazar a kan thil lei duh kha a sawi dawn in a bu an en leh zeuh zel thin te kha a van lunglen thlak tak em!!! a bikin Volleyball ka khelhpui te nen hian kan inngaina hlawm hle. mual min liam san zel si. Best setter nihna lo la thin tu Sante-i a boral thut tum in min barakhaih zia te tun thlengin ka la awih theilo kan zin ho changin a mah nen kan mu dun ziah leh nghal. hmanlai a chang tur chuan a van uihawm tak em!!!!

Delhi ah inkhel in tum khat chu kan kal a kan che chhe mai mai khawp a, kan leng chhuak kan bo leh nghal India Gate kan han pawh hlawl mai chuh!! Eheee ka ti a, ka thiante lahin kal ngaihna an hre tawh bik silo.. rawn hmanhmoh rawh u ka ti a, kalna tur i hria mi an tih chuan hre bik nang ka ti bawk si!! hahaha bo hian kan hmanhmawh tawlh tawlh an tih hi a dik khawp in ka hria. Vawi khat leh chu inkhel in X-mas dawn hian kan zin chhuak leh a, Train ah kan chuang a kan thiannu in Urlawk zan hian phaiphuleng an ham rat rat a, kei ka lo muhil zui a chutah ka bul a inthiar tur lo kal Vai chu ka ke bal takin ka lo va tlawh palh ani awm e, kan buai teh a sin aw!!! sawisen vek theih ani dawn chuang lo ka inkhelhpui thenkhat Nupui/Pasal an nei tawhin fate pawh an nei tawh chutih rualin a thenin min boralsan tawh ka lung a van leng tak em!!! Games hrang hrang hi thiam tak tak silo hian ka khel kual nasa hle tum khat chu kan veng hmingin football ka khel ve a kan lam ah goal-6 a lut tawh kei position awmna pawh hre lo ka lo tlan kawi ka lo tlan kawi ve a, kan lam ah a goal leh dawn tak ngial a ka hriat avangin keeper hnen ah pet ka tum kha kan lam ah kan pet goal a nih chuh!! zahthlak tak ani. chutah le ka inkhel ning tawh lutuk in a ruk in ka chhuak ru a, ka lo va inthlak fel diam a, ka thiante tih ngaihna hrelo pawh an nui ve tawp mai.

Under-16 Sub-Junior in State aiawh in Burdwan ah kan kal tum hian a lawm a nuihzatthlak a sin aw!!! kan che chhe leh pek a.. zanah thosi a tam bawk si ka thiannu nen tui tak a kan mutlai hian tortoise kan chhi a, ka inkhelhna a ka bun tur pheikhawk kha a lo kang niin Miss tih ngaihna hrelo in fiamthu in muhlum ru inthian dun khan min ti tawp mai.. Pu Rinliana Royte Sihphir a awm Coach tha tak hian hmanhmawh tawkin min va leipui leh a ka lo la tawt zui pheikhawk tawt bun hrehawm zia chuh!! chumi tum chuan Assam chiah kan hneh hehe.

Volleyball hi Club hrang hrang ah ka khel kual ve nasa hle ani. C.YMA buatsaih ah kan veng Electric Veng kan Champion hmasak ber tum khan Mizoram Volleyball Record kan siam a, Chanmary West nen kan inkhelh in inkhel rei ber record kan siam ani. kan inhnehtawk hle mai, Best of Five khelh tur ah Set 3 la in kan champion ani.Mahni han infak ve khanglang ila, kan champion kum hian C.Lalremruati Mizoram ah Vawiduailo Best Spiker nihna lo hauh tu nen chiah Spiker kan awm a, kan hahdun a sin aw!!! mahse kan Veng Electric veng hi ka fak a sin, Veng chhung aiawh a tel hi an tawiawm tha in an thlawp hneh thin khawp mai.

Aw khawnge lenrual hlui zawngte kha hmanah chuan nau ang nui za thinin hlim leh lawmin tlaitla eng hnuai ah duhthu lengtin kan sam za thin. Nunhlui ngaih hi engtik ah bang ang maw!! banzai a rel silo khuarei pawh chang mahse...!!!

Han chhiar teh le!! Part I

He Story hi a tak ngei ani a, an hming erawh thup a niin hming lem vuah ani e.


Kum naupang te a nih lai chuan Mapuii chu a nu chuan a boral san a, apa lah chuan a nu boral hnu reilote ah nupui dang a neihsan nghal ta mai a..Hmanlai nunhrawn lo sual thin zia pawh mi tam zawk chuan kan hre ngeiin a rinawm. Mapuii pa hi Sipai Assam Regiment ani a, hmun hrang hrang ah an awm kawi bawk ani. chutia Mapuii pa in nupui dang an neih tak ah chuan Mapuii leh a unaute Pathum chu Nu ngaiin an tap an tap thin a. Mapuii te Unau hi Unau Pathum niin hmeichhia pakhat chuah an nei ani. kum alo ral zel Mapuii pawh chuan nulat alo hre ve tan rimtu pawh a nei ve nual ani. zan khat chu chutia inleng tha deuh an neih chuan a nuhrawn chuan tui chawi turin a tir a,an tui chawi zawh chuan nau paw mu turin a tir leh nghal a,inleng pawh kawm hman lo in siam ta ani. hemi zan a, a inleng neih hi Mapuii te khaw thenawm a, an khaw khat a awm thei pawl a sawi ani.

Hun te a liam ve zel Mapuii Nuhrawn chuan Mapuii a hmusitna leh tih duhdahna erawh a zual zapui vai len hlo tih ang mai kha ani. Apa lahin a fanu a hmangaih ngawih ngawih chu a thlavang hauh chak hle mahse, a hauh ngam bawk silo ani. Mapuii U Chiah Mama tia an koh chuan a farnu neih chhun chu lainat takin a thlir reng mai a, engtikni ah emaw chuan ka farnu hi ka la indan puiin rilru nuam tak leh thlamuang takin ka la siam ang tih hi a ngaihtuahna leh suangtuahna lian ber ani. Zan1 chu Mapuii chuan Inleng a nei leh thut mai le!! a nuhrawn chuan a hming pum meuh a ko in nang chawmhlawm hian inleng ka nei e ti reng reng suh zah pawh i zak lawm ni tiin an Inleng te lo len lai chuan a ankhum ta siah siah mai le!! Inleng i neih dawn ai chuan he inchhung a tang hian chhuak nghal rawh a ti a. a u Mapuii thlavang hauh tu ber tur lah Lo lam ah ramriak in a awm bawk si..Ti chuan Mapuii chu a insiam sawk sawk a..kalna tur ber pawh hre chuang lo in a thawmhnaw neih chhunte nen a in ak chhuak ta......Mapuii chuan a thian hnai ber pawhin a thiannu bulah chuan a chanchin leh thil awmdan chu a hrilh ta mawlh mawlh a.

Zing khua alo var Mapuii chuan Api te awmna Hnahlan ah chuan lam pan tum chuan a rilru a siam nghet ta a. a kal hma chuan Anu thlan tlawh a va duh avangin rilru na em em in anu amah hmangaih em em tu thlan ah chuan lungchhe takin a va tap ani "Ka nu la dam la chuan hetiang hian ka awm lo tur ka van ngaitak che em!! ka nu lo tho leh rawh" tiin a tap hawm hawm ani.Mapuii nu hi lo tho leh se a fanu lainat awm tak hi Bawihte keiman ka lo duat ang che tiin a ang chhung ah a kuah bet tlat a rinawm, anu amah hmangaihtu thlan chu kalsan a tul tawh si.. Mapuii thiannu chuan a chhun chaw tur a fun sak a, tichuan Champhai lam kal tur ho nen chuan an kal ho ta ani. Champhai an han thleng ta.. Mapuii chuan Ani apa farnu te inah chuan a innghat a, ani chuan a vahnu thil tawn chu a thinrimpui hle a, han tih vak ngaihna a hre silo ani. Mapuii chuan Hnahlan lam kal tur a theih ang tawkin a zawng a, a tawp ah chuan a hmu ta...Hnahlan lam pan chuan a kal ve ta Hnahlan an han thlen chuan Api hnenah tap chungin a thil tawn zawng zawng chu a hrilh ta vek a.

Mapuii U ramriak pawh alo haw, a farnu neihchhun awm lo chu a hrilh haiin thil awmzia an hriat chian phei chuan a thinrim em em a..ka farnu hi ka la zawng chhuak leh dawn tiin a rilru a siam nghet leh zual ani..Kum a liam ta Tuahpui leh Vau be an vul leh ta chuk mai... Mapuii U chuan a farnu zawng chhuak tur chuan Hnahlan lam panin a insiam ta. Chempui ak in a nau a hmangaih em em chu hmuh ngei tumin a kal ta hnak hnak a......ni4 meuh Hnahlan kal nan hun a hman hnu chuan A farnu chu ava hmu ta an unau in hmu lawm zia chu!!!!!

An unau chuan an khaw lam pan in an chhuak leh ta hnek hnek a, In an thlen chuan a nuhrawn chuan Mapuii chu a lawm lo kher mai, Apa lah tar lam nen natna khumbet tuarin a awm mek a..thla khat emaw chuah Mapuii haw leh hnuah chuan a boral ve leh ta mai a.. Khai le!!! ro ah an buai tan ta...Mapuii u hnenah chuan Apa chuan ro engkim a dah ta si..A nuhrawn chuan ro chungchang ah chuan a lungawi lo chuan a Nuta te pun in Mapuii U hritlang na chu damdawi dang in a Jection a, a hritlang na chuan chu damdawi chu a haw kher mai Mapuii bul ah chuan Pu Hminga'n min Jection alo tum leh chuan i jection atangin a nat zual phah a, ka duh tawh lo a ti lo tila hei min jection a tum leh na damdawi pawh hi paih daih rawh a ti a. a tuk leh chuan jection tum chuan Pu Hminga chu alo kal leh ngei thil awmzia Mapuii'n a hrilh pawhin a awih sak duhlo a, Damdawi chu Pu Hminga chuan zuk la leh in a ban ah a vuan a, a Jection leh ta ani. Mapuii U chu an Jection atang chuan a zawi ta hnawk a..biak theih lohin a awm nghal ani. huiham A u tawngkam hnuhnung ber ah chuan "Ka dam chhuak leh anih chuan Pu Hminga min tihdan hi ka theih theihna ah ka puang zel ang" tiin a tawng a. he tawngkam avang hian Mapuii rilru a damthei mawlh loh ani. chhantu an van ngai tak em!!! Mapuii innghahna a u chuan he lei ah in hmu tawh lo tur leh a farnu a hmangaih em em chu a kalsan ta!!!! Mapuii tan khawvel hi engtia rei nge ni ang le!!!.. Mapuii rilru na bawk si chuan a nuhrawn hnenah chuan I nuta in ka u min vihhlum sak case ka file dawn a ti a. i ngam chuan file rawh nangmah pawh kan vit hlum ve leh nghal ang che tiin a vau leh ani.

Hun te a liam leh zel Mapuii chuan an khaw thenawm a mi khawkhat mi hausa an tih ang chu Pasal ah a nei ta a, mahse a pasal nu hi mi chapo tak aniin bungraw chhawm ah pawh Sebawng a phut tlat a, huiham Mapuii tan chuan van a rah ang a ni si..thawmhnaw chhawm tur pawh harsat nak a laiin Sebawng.........................


Han chhiar teh le Part II

Thuhma hruai kan nei ve lawk kei a kar a ka thu ziak min lo hlut sak tute in awm avangin ka lawm takzet ziak chhunzawm tur a, min ngentu te in lo la awm hian min ti lawm leh zual ani.

Mapuii chuan Sebawng chhawm tur a neih loh thu a pasal hnenah chuan a hrilh ta a, a pasal chuan anu hnenah chuan an sawi ve leh a, anu ngaihdan ani lo hle mai. anih chuan thil dang ka phut leh ang hemi hi an la neih loh fo chuan he inchhung ah hian alo lawi lut theilo ang ati ta hmiah mai a. apasal nu chuan hei hi a phut leh ta!!! Vawk sum5 a ngiat leh ta!!!! Mapuii tan hawi ngaihna a awm lo Aw!!!! lainat tak a hmangaihtu diktak Anu leh a U an awm tawh silo, a u neih ve chhun lah Nupui ngamlo ani bawk si..hnemtu leh hmangaihtu a van ngai tak em!! engtin nge ni ta zel ang...Mapuii chu zanrei tak ah chungin thlanmual chu a pan leh ta...Ka nu ka pa ka U lo tho leh rawh u hmangaihtu leh lainat tu ka neilo ania, min la dampui ve ula chuan hmangaihtu ka nei tih ka in hre dawn a sin tiin lungchhe takin zan reh tak hnuai ah chuan a tap ta hawm hawm a, tap tap in ko mahse pialral ah lungduh inthen tawh lohna ram ah an hmangaihtak Mapuii chu nghakhlel takin an lo thlir reng zawk si..helei hi zawng chatuan ram a tling lo em ani.. Mapuii rilru mangang leh rilru hahtak a, a awm lai chuan a tan thu lawmawm alo thleng ta, Apasal tur chuan engmah lo chhawm lut dawn lo poh nise, an inchhung ah anu in lawi luh phallo mahse, hmangaihtu leh lainattu mamawh em em Mapuii chu neih luih a tum ta..Anu hnenah a thil chhawm tur neih loh vang a, innei lo tura min tih chuan he In hi ka chhuahsan mai ang ati ve ta hmiah mai, an fapa in hetiang taka a hmangaih tih an hriat leh mahni In chhuahsan a hreh lo tih an hriat chuan Mapuii chu an hruai lut ta ani.


Thuchah: He Story hi a tak ngei ani a, chhiar tu ten chhiar liam mai lo in Mihring in eng pawh kan tawk thei mahni aia harsa zawk te tanpui an ngaih chuan tanpui turin ka chah che u ani e.

IR training nghawng ruh vaw tliak

Thenzawl khuaah IR 3rd Battalion tura training lai mek Vanlalchhuanga(26)S/o Thansiama Chhinga Veng Aizawl chu nimin zing khan an hrem (sazai) naah a nghawng ruh vuak tliah sak ani a,nimin tlai khan Aizawl Civil Hospital thlenpui niin enkawl zui mek ani.

IR Bn training lai hi nimin zing khan platoon khat chu an vaiin sazai pek an ni a. Sazai an pek dan hi an bingbileh tira, an bingbileh lai hian a remchang lai lai ah an vaw zui a, hetianga an vuaknaah hian Vanlalchhuanga hi a sahuat laiah vaw fuhin a nghawngruh a auh zui avangin a che thei ta lo a, Thenzawl Hospital ah kalpui aniin Doctor in Aizawl ah refer a nghal a, nimin tlai dar 5:30 vela Civil Hospital an thlenpui hnuah X-ray tih nghal ani a, Doctor sawidanin a nghawngruh 1-na 2-na, 3-na leh 4-na a pelh ati. Vawiin hian CT Scan tih leh nghal tur ani.

Vanlalchhuanga amah awmpuitu anu leh aunaupa te chuan sazai an pek chhan an hre bik lo va, A chhan pawh hriat loh hian min sazai reng mai tiin a chhungte a hrilh thin a, phone a an inbiak apiangin a chhan lova sazai an tawh thu hlir a sawi thin a, nimin zinga an sazai na chhan pawh a hre chuang lo niin a chhungte a hrilh.

Aizawl Civil Hospital an thlen hnuah nimin tlai khan Home Minister Tawnluia bialtu Minister H Vanlalauva bakah DIG leh SP ten an tlawh nghal ani.

Referall Hospital vangin Catholic ah inlet lo

Roman Catholic Kohhran Christ the King Cathedral chuan thuchhuah siamin, Mizoram sorkarin Falkawna State Catholic Hospital tur Catholic Kohhran hnena hlan a tum vangin Falkawn leh a chhehvel khaw thenkhatah kohhran dang atangin mi 49 Catholic ah an in pek phah nia Assembly House-a Pu Lalrinliana Sailo MLA in a sawi leh chanchinbu thenkhata lang chu thu belhchian dawl lo anih thu an tarlang.

Hemi chungchangah hian Christ the King Cathedral chuan, Catholic kohhran chu thil dik lo leh tawktarh neia an kohhrana lut tura mi thlem anga an lan theih avangin mipui hnenah thudik hriattir a tul nia an hriat thu an sawi a. Pu Lalrinliana Sailo thusawi hi thu belhchian dawl lo anih tih an sawi rual hian, Health Minister Pu Tlanghmingthanga'n inlette chu an khawngaihthlak hle ang tia a sawi pawh belhchian dawl lo anih thu an sawi bawk.

An thuchhuaha a lan dan chuan, Christ the King Cathedral hian Sateek tlangdungah chanchintha hril hnathawk in, kohhran la din lohna khuaah kohhran din tumin hma an la a. Chumi avang chuan kum 2005 khan Falkawn leh Muallungthu khuaa mi engemaw zat chuan Catholic kohhran an zawm a, Biak In St Thomas Church pawh an sa zui nghal a. Hetih lai hian Referral Hospital chungchangah kohhran leh sorkar an la indawr lo ani.

Chanchinbua lang thu belhchian dawl lo leh thu dengkhawng tak takte Assembly House ah an sawi ngei anih chuan, Assembly Proceeding record atanga thaibo turin thuneitute an ngen nghal bawk.

Lailapur-ah tui tlahlum

Vairengte khua Lalfamkima(11)S/o Lalnunmawia(L) chu Thawhtan tlai khan Lailapur velah Uchang man in an kal fo a, Thawhtan tlai pawh khan a pate-a leh a thiante pahnih nen Uchang man tura an kal chu Leilet bula in neitute'n thawmawm chu misual emaw tiin an au a, an tlanchhiatnalamah Lalfamkima hi leirawhchan an lakna khur, tui tlingah a tlahlum ani. A ruang hi nimin khan postmortem a phum ani a, engmah boruak chhia a awm thu dawn ani lo.Lalfamkima te In hi kum 3 kalta vel khan gas phur motor in a hnawl a, anu leh pa an thih phah tawh nghe nghe ani.

VCP lemchangin Rs. 375000 la ru

Chawnpui Rural Primary Market saknaah MAMCO Ltd.in a sak hnathawk tura a tih, Chawnpui VCP Pu Lalkunga chuan sum tichingpen a awm nia sawiin Aizawl SP hnenah FIR a thehlut a, thil diklo titu hrem turin a ngen.

Pu Lalkunga'n FIR a thehluha alan danin Chawnpui Rural Primary Market hi First Installment hmangin a sa a, pawisa hi kum 2005 khan ala ani. Chumi hnuah Second Installment ah hna kal lai hi midang hnenah pe angin MAMCO chu a in sawi a, 2nd Installment pawisa Rs 3,75,000 pawh hi mi dang hnenah chuan pek ani a, mahse hna neitu chu Pu Lalkunga hming zel tho ani.

Pu Lalkunga hming hian 2nd Installment pawisa tu emaw hnenah pek ani a. chu pawisa chu June 28,2007 khan Rs 1,00,000 leh July 16,2007 khan Rs. 80,000 chu H.Lalramsanga hnenah pek ani tih Pu Lalkunga'n RTI Act hmanga thil awmzia a zawhna Horticulture a State Public Information Officer Dr.E.Saipari'n a chhannaah a lang a, 2nd Installment sum zawng zawng Rs.3,75,000 Utilization Certifcate ah pawh Chawnpui VCP, MAMCO Managing Director leh Horticulture Director hming sign a chuang ani.

Pu Lalkunga chuan, MAMCO hotu te'n mimal takin a mah chu an hriat thu sawiin "2nd Installment pawisa latu hi keimah ka ni lo tih an hre tur ani a, pawisa petu hian a latu pawh a hre tur ani" ati.

Nang Malsawmna ni ang che

Midang tana Malsawmna nih hi keini ang neinung lo tan chuan thil harsa ve deuh mai niin ka hria. a nei nung a te tan chuan midang tan malsawmna nih a awl viau ang le!! Entirnan kan thian kan kawm ngeih deuh ten sum leh pai ah harsatna lo tawk ta se, a neilo tan chuan pek duh viau mahse sum a neih miau si loh chuan engtin nge Malsawmna a nih theih ang le. Nang Malsawmna Ni ang che tih ringawt ni lo in, engtik ni ah emaw chuan Zoram hian harh tharna ala chang in Dikna in ro a rel hunah chuan Nang Malsawmna Ni Ang Che tih hi a tak ram ngei a, hman a chakawm hle mai.

Zofa leng ka sawm a che u.

Kei ve teh mial ka blog min visit sak a, min hlut sak tu te chungah lawmthu ka hrilh a che u.Zofa leng ka sawm tak meuh meuh che u ani e.